UNIVERSITETIMIZDA MUHAMMAD YUSUF TAVALLUDIGA BAG‘ISHLANGAN DAVRA SUHBATI TASHKIL ETILDI
Universitetimiz talabalari uchun sevimli shoirimiz Muhammad Yusuf tavalludiga bag‘ishlangan ma’naviy-ma’rifiy davra suhbati tashkil etildi.
Tadbir davomida shoirning hayoti va ijodi, uning o‘zbek adabiyotidagi o‘rni hamda yoshlar tarbiyasidagi ahamiyati haqida fikr almashildi. Talabalar tomonidan Muhammad Yusufning she’rlari yoddan aytildi, ijod namunalaridan parchalar o‘qildi.
Davra suhbati yoshlar qalbida Vatanga muhabbat, milliy qadriyatlarga hurmat va adabiyotga bo‘lgan qiziqishni yanada mustahkamlashga xizmat qildi. Bunday ma’naviy uchrashuvlar talabalarning dunyoqarashini kengaytirish va ularda ijodiy tafakkurni rivojlantirishda muhim ahamiyat kasb etadi.
#MuhammadYusuf #DavraSuhbati #MaNaviyat #TalabalarHayoti #UniversitetHayoti
